APPENDIX B THE LATIN TEXT OF THE BULL OF POPE ALEXANDER VI., DATED 4TH DAY OF MAY 1493. ALEXANDER, Episcopus, servus servorum Dei, Charissimo in Christo filio Ferdinando Regi, et Charissimæ in Christo filiæ Elizabeth Reginæ Castellæ, Legionis, Aragonum, Siciliæ, et Granatæ, illustribus, salutem et Apostolicam benedictionem. Inter cætera Divinæ majestati beneplacita opera et cordis nostri desiderabilia illud profecto potisimum existit, ut fides Catholica et Christiana religio nostris præsertim temporibus exaltetur, ac ubilibet amplietur ac dilatetur, animarunq' salus procuretur, ac barbaræ nationes deprimantur, et ad fidem ipsam reducantur. Unde cum ad hanc sacram Petri sedem, Divina favente clementia (meritis licet imparibus), evocati fueremus, cognoscentes vos tanquam veros Catholicos Reges et Principes, quales semper fuisse novimus, et a vobis præclare gesta, toti pœne orbi notissima demonstrant, nedum id exoptare, sed omni conatu, studio, et diligentia, nullis laboribus, nullis impensis, nullisq' parcendo periculis, etiam proprium sanguinem effundendo efficere, ac omnem animum vestrum, omnesq' conatus ad hoc jam dudum dedicasse, quemadmodum recuperatio regni Granatæ a tyrannis de Sarracenorum hodiernis temporibus per vos, cum tanta Divini nominis gloria facta, testatur. Digne ducimur non immerito et debemus illa vobis etiam sponte, et favorabiliter concedere, per quæ hujusmodi sanctum ac laudabile ab immortali Deo acceptum propositum, in dies ferventiori animo ad ipsius Dei honorem et imperii Christiani propagationem prosequi valeatis. "Sane accepimus quod vos dudum animum proposueratis aliquas insulas et terras firmas remotas et incognitas, ac per alios hactenus non repertas quærere et invenire, ut illarum incolas et habitatores ad colendum redemptorem nostrum et fidem catholicam profitendum reduceretis, hactenus in expugnatione et recuperatione ipsius regni Granatæ plurimum occupati, hujusmodi sanctum et laudabile propositum vestrum ad optatum finem perducere nequivistis; Sed tamen, sicut Domino placuit, regno prædicto recuperato, volentes desiderium vestrum adimplere, dilectum filium Christoforum Colonum, virum utiq' dignum et plurimum commendatum ac tanto negotio aptum, cum navigiis et hominibus ad similia instructis, non sine maximis laboribus ac periculis, et expensis destinatis ut terras firmas et insulas remotas et incognitas, hujusmodi per mare, ubi hactenus navigatum non fuerat, diligenter inquireret. "Qui tandem (Divino auxilio facta extrema diligentia in mare Oceano navigantes) certas insulas remotissimas et etiam terras firmas, quæ per alios hactenus repertæ non fuerant, invenerunt. In quibus plurimæ gentes pacifice viventes, et (ut asseritur) nudi incedentes, nec carnibus vescentes, inhabitant : Et ut præfati nuncii vestri possunt opinari, gentes ipsæ in insulis et terris prædictis habitantes, credunt unum Deum Creatorem in Coelis esse, ac ad fidem Catholicam amplexandum et bonis moribus imbuendum satis apti videntur : Spesque habetur, quod si erudirentur, nomen Salvatoris Domini nostri Jesu Christi in terris et insulis prædictis facile induceretur. Ac præfatus Christoforus in una ex principalibus insulis prædictis, jam unam turrim satis munitam, in qua certos Christianos qui secum iuerant, in custodiam et ut alias insulas ac terras firmas remotas et incognitas inquirerent posuit, construi et ædificari fecit. "In quibus quidem Insulis et terris jam repertis aurum, aromata, et aliæ quamplurimæ res præciosæ diversi generis et diversæ qualitatis reperiunter. "Unde omnibus diligenter et præsertim fidei Catholicæ exaltatione et dilatatione (prout decet Catholicus Reges et Principes) consideratis, more progenitorum vestrorum claræ memoriæ Regum, terras firmas et insulas prædictas, illarumq' incolas et habitatores vobis Divina favente clementia subiicere et ad fidem Catholicam reducere proposuistis. Nos itaque hujusmodi vestrum sanctum et laudabile propositum plurimum in Domino commendantes, ac cupientes, ut illud ad debitum finem perducatur, et ipsum nomen Salvatoris nostri in partibus illis inducatur, hortamur vos quamplurimum in Domino, et per sacri lauacri susceptionem, qua mandatis Apostolicis obligati estis, et per viscera misericordiæ Domini nostri Jesu Christi attente requirimus, ut cum expeditionem hujusmodi omnino prosequi et assumere prona mente orthodoxæ fidei zelo intendatis, populos, in hujusmodi insulis et terris degentes, ad Christianam religionem suscipiendum inducere velitis et debeatis, nec pericula nec labores ullo unquam tempore vos deterreant, firma spe fiduciaq' conceptis, quod Deus omnipotens conatus vestros fœliciter prosequetur. "Et ut tanti negotij provintiam Apostolicæ gratiæ largitate donati, liberius et audacius assumatis, motu proprio non ad vestram vel alterius pro vobis super hoc nobis oblatæ petitionis instantiam, sed de nostra mera liberalitate, et ex certa scientia, ac de Apostolicæ potestatis plenitudine, omnes insulas et terras firmas inventas et inveniendas, detectas et detegendas versus Occidentem et Miridiem, fabricando et construendo unam lineam a Polo Arctico, scilicet septemtrione, ad polo Antarcticum, scilicet Meridiem (sive terræ firmæ et insulæ inventæ et inveniendæ sint versus Indiam aut versus aliam quamcunq' partem), quæ linea distet a qualibet insularum quæ vulgariter nuncupantur de los Azores et Cabo Verde, centum leucis versus Occidentem et Meridiem. Itaque omnes Insulæ et terræ firmæ repertæ et reperiendæ, detectæ et detegendæ a præfata linea versis Occidentem et Miridiem quæ per alium Regem aut Principem Christianum non fuerint actualiter possessæ, usq' ad diem nativitatis Domini nostri Jesu Christi proxime præteritum; a quo incipit annus præsens millesimus Quadringentessimus Nonagessimus tercus, quando fuerunt per nuncios et capitaneos vestros inventæ aliquæ prædictarum Insularum, Auctoritate omnipotentis Dei nobis in beato Petro concessa, ac vicariatus Jesu Christi qua fungimur in terris, cum omnibus illarum dominijs, civitatibus, castris, locis, et villis, iuribusque et jurisdictionibus ac pertinentijs universis, vobis heredibusque et successoribus vestris (Castellæ et Legionis regibus) in perpetuum tenore præsentium donamus, concedimus et assignamus: Vosque et hæredes ac suc cessores præfatos illarum Dominos cum plena, libera, et omnimoda potestate, autoritate, et jurisdictione, facimus, constituimus, et deputamus. "Decernentes nihilo minus per hujusmodi donationem, concessionem, et assignationem nostram, nullo Christiano Principi qui actualiter præfatas Insulas et terras firmas possederit usq' ad prædictum diem nativitatis Domini nostri Jesu Christi ius quæsitum, sublatum intelligi posse aut auferri debere. Et insuper mandamus vobis in virtutæ sanctæ obedientiæ (ut sicut pollicemini et non dubitamus pro vestra maxima devotione et regia magnanimitate VOS esse facturos), ad terras firmas et Insulas prædictas, viros probos et Deum timentes, doctos, peritos, et expertos ad instruendum incolas et habitatores præfatos in fide Catholica et bonis moribus imbuendum, destinare debeatis, omnem debitam diligentiam in præmissis adhibentes. "Ac quibuscunq' personis, cuiuscunq' dignitatis, etiam imperialis et regalis, status, gradus, ordinis vel conditionis, sub excommunicationis latæ sententiæ pœna quam eo ipso, si contra fecerint, incurrant, districtius inhibemus ne ad Insulas et terras firmas inventas et inveniendas detectas et detegendas versus Occidentem et Meridiem, fabricando et construendo lineam a Polo Arctico ad polum Antarcticum, sive terræ firmæ firmæ et Insulæ inventæ et inveniendæ sint versus Indiam aut versus aliam quamcunq' partem, quæ linea distet a qualibet Insularum quæ vulgariter nuncupantur de los Azores y Cabo Verde centum leucis versus Occidentem et Meridiem ut præfertur, pro mercibus habendis, vel quavis alia causa accedere præsumat absq' vestra ac heredum et |