L'IMPRIME VR aux Lecteurs. SALVT. M ESSIEURS ayant ces iours passez imprimé l'Edict du Roy, contenant le pouuoir et commission donnee par sa Maiesté au sieur Marquis de la Roche pour la conqueste des terres-neufues, de Norembergue, Hauchelage, Canadas, Labrador, la grand' Baye, et terres adiacentes. Il m'est du depuis tombé entre les mains vn Discours du voyage fait ausdites terres, par le Capitaine Iaques Cartier, escrit en langue estrangere que i'ay fait traduire en la nostre, par vn de mes amis. J'ay pensé qu'il ne seroit hors de propos de le mettre en lumiere, tant pour aider et seruir comme de guide à ceux qui auroyent desir d'entreprendre ledit voyage, que pour le contentement d'autres qui se plaisent en curieuses recherches et contemplations. Je vous prie le receuoir de telle affection que ie le vous presente. Le soleil a roulé quarante entiers voyages, Faisant sourdre pour nous moins de iours que d'orages: D'vn desastre mourant vn autre pire est né : Et n'apperceuons pas le destin obstiné Cedons, sages, cedons au Ciel qui dépité Des renommez François la race abastardie: Allons où le bon-heur et le Ciel nous appelle; D'vn rude Cameçon arrestant la tempeste De leurs paumes d'yuoire, en double rang fenduës, D'vn fruit qui sous le miel ne couue la tristesse, La marâtre n'y sçait l'aconite tremper : |